自己人

營業中

休息中

路過此店，見新開張做緊半價，諗住試下，於是就拎飛排隊，等等下都已經等咗有1個鐘多，依然維持喺我哋攞飛嗰時顯示叫嘅號碼，完全冇叫過下一個號碼。突然，有對中年夫婦打算攞飛排隊，剛好機器啲紙用曬，於是夫婦向店員查詢，怎知店員不是幫他們加紙拎飛排隊，而是直接安排座位俾佢哋，就這樣中年夫婦就入座了。下？原來同店員講聲就可以即刻入座？咁要人攞飛嚟做乜？仲要人白白排咗咁耐隊，我哋即刻問店員，佢冇同我哋解釋，只係話宜家執緊枱㗎啦，跟住有食客話九成嘅點心都冇曬。呢間乜嘢舖嚟㗎？最憤怒係安排入座唔按照排隊飛號碼，然後等咗咁耐竟然乜點心都冇，算吧啦，呢間嘢，咁嘅服務，唔好講要我去幫親佢，唔使等即刻可以入座都唔去啊，個名叫“自己人”，“自己人‘’咪唔使排隊直入囉，你安排啲‘’自己人‘’入去啦，我呢啲外人唔去啦。