小城大廚

營業中

休息中

觀塘區工廠大廈嘅中式食肆，人頭湧湧，星期六日都有套餐，仲有一圍圍嘅菜式，有細枱有大枱唔怪之得咁多人我哋兩個人就叫咗一個孖寶套餐美極香煎海蝦: 兩個人嚟講份量都唔少，海蝦到香香脆脆，有豐富嘅豉油味道～蝦頭有少少膏，好鬼正！！客家蔥油雞（半隻）食雞，雞固然係主角，但更重要嘅係啲蔥油！！雞夠嫩滑又多肉，蔥油味道好香，有鹹味火腩白鱔煲 呢個菜式唔係度度有得食就一於叫嚟食吓，火腩永遠是港人既最佳美食，白鱔有蒜香味🧄大大嚿幾多肉，唔算多骨！好有風味一碗絲苗白飯夠晒兩個人食