Goobne Chicken (The Hart)

營業中

休息中

老婆嗌咗幾日想食炸雞，但係我生痱滋唔想食，點知今日行經尖沙咀見店舖主打零油全烤焗，啱晒懶係健康嘅我，諗唔到理由推搪。 ✦ 熱浪味Chipken (有骨版)雖然話推搪唔到，但真係冇諗過要食咁多。份量好大，我諗有成十件以上，兩個人根本食唔曬。而重點係 好 好 食 ﹐上嘅時候係熱辣辣，熱到我想拎起一隻影相都要等陣，而且雞肉超 級 嫩 滑 ﹐完全唔係出面嗰啲得表皮脆裡面鞋颯颯 。味道真係幾似熱浪，的確係有甜有辣，好惹味。 ✦ 韓式雞蛋卷 又要再講，真係好大份。雞蛋卷入面有青瓜、醃紅蘿蔔、餐肉、海苔同芝士，每啖都好有層次感。而且雞蛋卷實證係可以攤返開做一整條，有心機。 唯一缺點可能係地地位置比較偏僻，但真係值得更多人嚟發掘。