漁釧 (V Walk) (已結業)

拉麵絕對係我其中一樣最愛既日本菜，每次去日本旅行之前我都會花好多時間bookmark好食既拉麵鋪，試過去7日食足7日拉麵，每次食完飲埋湯果下真係好滿足好開心，估唔到呢一間拉麵鋪都俾到呢個感覺我。首先餐廳好新淨，乾淨企理，裝修甚有日本風，感覺唔錯。食物方面首先叫左醬油濃雞白湯拉麵，見到碗拉麵果時真係好感動，因為塊叉燒好大塊好正呀！！叉燒夠哂肥美又夠哂厚啖啖肉，入味得黎唔會太咸。至於麵質我非常喜歡，較硬好彈牙又好咬口。拉麵之中最重要既就係湯底，可以話係拉麵既靈魂，呢個濃雞湯好重雞味又唔太咸，味道一流，成個拉麵真係好出色。另外兩個小食鹽燒牛舌串同雞軟骨串，兩個都燒得好香，特別牛舌好厚好爽。呢間拉麵鋪絕對是再encore