新華茶餐廳

營業中

休息中

我頭先13:48坐低，嗌咗個特餐，佢2分鐘上咗，之後我食到2:07食完嗰麵，覺得自己仲食得落，就嗌個蛋撻食，當我個蛋撻嚟嘅時候，佢就安排咗一個等位嘅女人坐咗係我對面，個女人全程係咁望實我，又叫佢老公行埋嚟坐喺側邊俾壓力我，之後個職員見到佢哋咁樣喺度等位，就話叫我調位，其實我嗰陣剩返半杯飲品同埋兩啖蛋撻，只要等多5、6分鐘一定咩都食完，之後個職員就話係佢叫個客人咁樣等位，唔關個客人事，之後個客人就話我着得斯文，就理應要讓位比佢哋，佢無直接出聲催我，我心諗我比50幾蚊食個茶餐，全程坐15-20分鐘都要俾人話、俾人趕、俾人調位，但係餐廳有好多四人枱，淨係坐咗一個人，我嗰個係二人卡位，我一開頭對面都剩係坐一個男人，總結就係不知所謂嘅餐廳+垃圾般嘅客人。