黑門水產すいさん (棉登徑)

營業中

休息中

今晚放工同男朋友去尖沙咀食好野，慰勞下自己。磯燒大虎蝦老一本叫左兩隻，有侍應幫你燒，唔駛自己燒架。蝦肉彈牙，大大隻而且好新鮮。赤鬼明太子蟹味噌甲羅燒第一次食，辣辣地，好惹味。明太子、味噌蟹膏、蟹籽、三文魚籽撈埋一齊，配埋餅乾食，真係一大享受。極上大漁貝燒有帆立貝、廣島蠔、海老、三文魚籽、海膽，全部都好鮮甜，連個汁都飲埋。黑門帆立貝伴魚籽醬好肥美鮮甜，配魚籽醬，好正好高級。赤鬼海老天反卷醬汁有六件，包住大大隻蝦，鋪滿蟹籽同魚籽，好食又飽肚。刺身六盛有三文魚、油甘魚、赤身、真鯛、帆立貝同海膽，附有紫菜俾你配海膽。仲有平目魚薄切刺身。我最鍾意帆立貝同海膽，好鮮甜。巨峰生啤同Suntory，飲完人生一大樂事。