老荔冰室

營業中

休息中

今日嚟到位於荔枝角嘅老荔冰室食飯，呢間冰室嘅裝修都幾特別，門口就好似成個戲棚咁樣，店入邊呢就仲有龍鳳牆添，杯杯碟碟上面呢亦都有唔少嘅字句，都好別出心裁。食物方面我就叫咗沙嗲牛肉飯，沙嗲牛肉嘅份量都幾多，味道就幾甜，亦都有麻辣嘅香味，加埋呢個牛肉飯仲有蛋添，所以都好豐富。另外一個幾特別嘅食物，就係熱香餅漢堡，熱香餅同沙嗲牛肉呢一個嘅配搭真係好適合，加上熱香餅本身有好濃嘅蛋香味，仲係即叫即做，就更加好味啦。西多士真係好大份啦，蛋香味又夠香，入面呢係朱古力醬，炸得非常之香脆，比較適合幾個人一齊食。炸雞髀嘅外皮炸得好香脆，雞肉就非常之多汁，價錢亦都唔貴，真係好抵食呀。整體嚟講，我覺得今餐嘅定價都幾平，唔怪之得夜晚差唔多滿座啦。