鳳城酒家 (禮頓道)

營業中

休息中

同屋企人晚飯，由於只得兩個人，叫了三個小菜。先嚟過蝦多士。蝦膠份量恰到好處， 彈牙。薦底塊麵包炸得香脆，食落口非常鬆化，水準高。另叫了一碟欖角骨。欖角骨有六件，件件Size非常大，排骨肥瘦適中，調味恰到好處，蜜糖味加上欖角味，配合得非常好，排骨走油令到外脆內軟，肉汁得以保持，好好味。再叫了生菜鯪魚球煲。呢個煲份量非常多，鯪魚球size好似乒乓波咁大，另有豆腐生菜及草菇，份量之多，兩個人最終食唔晒，另外湯頭非常鮮甜，應該有加咗魚湯，總括來講，呢個煲冇得頂。雖然價錢連加一要約$400 ，但以餸菜水準來講，物有所值。