餃掂手工餃子雲吞專門店

黎到中環，都有唔少食物嘅選擇，但係價錢多數都係貴，但都理解嘅，地段貴鋪租貴食物價錢梗係貴啦!不過今次又比我哋搵到價格都算平民嘅餃子鋪！專係食餃子嘅專門店，呢度有好多餃子嘅選擇，唔係一般餃子譜嘅普通口味，有好多好創新嘅口味。我哋揀咗龍鳳松茸雙灼餃，仲有狀元九鼎湯跟埋，價錢都係$86 八隻！好重松茸味，好好食，鍾意食黑松露嘅朋友仔一定要試吓！而個湯都冇乜味精幾好飲幾夠火候！另外我仲揀咗壽喜燒牛肉餃子，用新鮮牛肉製造，都幾好食，但我鍾意食松茸餃子多啲，因為夠重口味！而呢個價錢大碗都係$70有十隻！另外仲叫咗上湯松茸時蔬，啲菜心好新鮮，條條都好甜好大條，食落好爽口！而最後就嗌咗蜂蜜檸檬薏米水，有凍熱嘅選擇，大大支，都幾解渴同埋解暑！大家都要黎試吓無添加嘅飲品啊！