影片
更多
2022-09-23
94 瀏覽
將軍澳新中心新開嘅茶餐廳，六點鬆啲到已經要排隊，我不嬲都好相信觀眾的眼睛係雪亮嘅，所以即刻拍埋一份。打開餐牌嚇一跳，超超超多選擇，唔係一般嘅茶餐廳，有好多小菜、燉湯可以揀。亦都有一般茶餐廳嘅公仔麵餐、常餐、小食、西多士，熱狗、雞髀。一個小菜加28蚊就可以有一盅燉湯同埋白飯，我覺得呢28蚊一定要俾，因為淨係個湯已經值回票價。好甜、好濃沃、好足料，飲完唔會口渴，應該冇味精。可惜冇得單獨叫，超想飲多盅。小菜叫咗咕嚕肉同埋半隻水門雞，隻雞好嫩滑，又非常之入味，高水準之作！咕嚕肉係脆口，真係脆口㗎，唔會揦到啲肉鬆曬，個汁夠曬黐身，真心好食過好多酒樓。由於太好食，最後叫多一份西多士，都係水準之上。真心推介！
打開餐牌嚇一跳，超超超多選擇，唔係一般嘅茶餐廳，有好多小菜、燉湯可以揀。亦都有一般茶餐廳嘅公仔麵餐、常餐、小食、西多士，熱狗、雞髀。
一個小菜加28蚊就可以有一盅燉湯同埋白飯，我覺得呢28蚊一定要俾，因為淨係個湯已經值回票價。好甜、好濃沃、好足料，飲完唔會口渴，應該冇味精。可惜冇得單獨叫，超想飲多盅。
小菜叫咗咕嚕肉同埋半隻水門雞，隻雞好嫩滑，又非常之入味，高水準之作！
咕嚕肉係脆口，真係脆口㗎，唔會揦到啲肉鬆曬，個汁夠曬黐身，真心好食過好多酒樓。
由於太好食，最後叫多一份西多士，都係水準之上。真心推介！
張貼
