孖寶車仔麵

營業中

休息中

孖寶車仔麵位於葵涌廣場，經常都好多人光顧，堂食位置都好滿。店內有多款好好食既野，例如：車仔麵、飯，經典小食有碗仔翅、生菜魚肉湯、腸粉、燒賣等。車仔麵：自己剔紙又得，直接選配好既😉又得。我叫左個「招牌」車仔麵，懶人之選唔需要選擇。都幾多款配料，有雞翼、大腸、豬紅、豬皮、魚蛋同蘿蔔。全部都係車仔麵界既經典，款式好豐富。湯底清甜，加埋佢個秘製辣椒油更好味😋～小食：腸粉、燒賣：最鍾意甜、辣、麻醬三醬都一齊落，超惹味。魚肉燒賣好香。仲有碗仔翅，我加咗墨魚條。大大條好彈牙。碗仔翅好足料。