極尚大喜屋

營業中

休息中

去開旺角，中午帶媽媽到極尚大喜屋食飯，聽聞多左新菜式！多數一坐低就叫返個刺身拼盤，今日叫左多隻甜蝦刺身同帶子，仲有螺肉。甜蝦鮮甜大隻。仲有泰式生蝦都唔錯👍🏻壽司叫咗三款鵝肝牛肉壽司，鵝肝配搭牛肉香味俱全，一啖一件。左口魚邊壽司，油脂味十分重，入口即溶。冬天限定仲有蛇羹，細細碗但用料十足。酥皮焗周打魚湯，忌廉湯味道，熱辣辣十分暖胃。仲有飛天豉椒蟶子，一嚟到筷子同麵企左係度，好西利，蟶子多肉又無沙，10分惹味。出面自助甜品櫃仲有得意豬仔🐷果凍。金蒜蓉粉絲蒸扇貝、鮮蟹粥、老香港極尚手工叉燒呢幾款港式風味既小菜都好好食