影片
更多
2018-06-27
141 瀏覽
早幾日朋友有好嘅推薦叫我同另外兩個好朋友一齊去試一試位於東涌嘅打冷嘅美食。我心諗... 嘩！東涌咁遠~~ 我祇有去見客又或者搭飛機去旅行先至會入去呢啲咁山旮旯嘅地方... 但又因為知道你係好嘢先叫好朋友去, 咁就不妨入去東涌一試睇下你咩葫蘆買咩藥先。大家系東涌A出口集合後, 沿住扶手電梯上兩層再落返三層大約行五至十分鐘之後就去到呢間叫做"滿樂潮州"做打冷嘅餐廳, 望一望室內環境都好寬堂舒服, 等位時間又唔係等好耐, 有一位溫文爾雅嘅女侍應帶咗我哋去咗一張四人枱！我哋望一望餐牌原來好多款式嘅打冷美食。我哋四個人商量好之後就嗌咗呢五大款美食分別有: 潮州蠔烙, 話梅炆豬手, 蔥蒜炆黃花魚, 者者蝦乾通菜煲以及沙茶牛肉炒河。呢間餐廳嘅侍應會將啲餸菜一碟一碟慢慢上, 唔會覺得好似食得好急要趕住叫人走, 我哋仲每人叫咗一碗白飯攞嚟送d潮州美食, 我最欣賞話梅炆豬手酸酸甜甜口感仲好煙韌添攞嚟送飯的確一流, 至於沙茶牛肉炒河d肉質仲好好味仲帶出牛肉嗰種鮮味, 個潮州蠔烙係將啲蠔仔肉再炒蛋賣相靚之餘仲好有一定嘅口感, 而個蔥蒜炆黃花魚就肉質鮮美整得唔老仲係多肉少骨嗰隻, 一個字"正", 我平時都好少食
大家系東涌A出口集合後, 沿住扶手電梯上兩層再落返三層大約行五至十分鐘之後就去到呢間叫做"滿樂潮州"做打冷嘅餐廳, 望一望室內環境都好寬堂舒服, 等位時間又唔係等好耐, 有一位溫文爾雅嘅女侍應帶咗我哋去咗一張四人枱！我哋望一望餐牌原來好多款式嘅打冷美食。
我哋四個人商量好之後就嗌咗呢五大款美食分別有: 潮州蠔烙, 話梅炆豬手, 蔥蒜炆黃花魚, 者者蝦乾通菜煲以及沙茶牛肉炒河。
呢間餐廳嘅侍應會將啲餸菜一碟一碟慢慢上, 唔會覺得好似食得好急要趕住叫人走, 我哋仲每人叫咗一碗白飯攞嚟送d潮州美食, 我最欣賞話梅炆豬手酸酸甜甜口感仲好煙韌添攞嚟送飯的確一流, 至於沙茶牛肉炒河d肉質仲好好味仲帶出牛肉嗰種鮮味, 個潮州蠔烙係將啲蠔仔肉再炒蛋賣相靚之餘仲好有一定嘅口感, 而個蔥蒜炆黃花魚就肉質鮮美整得唔老仲係多肉少骨嗰隻, 一個字"正", 我平時都好少食蝦乾, 但係見到個者者蝦乾通菜煲就要試一試, 因為本人最鍾意食通菜, 啲蝦乾配通菜的確惹味, 食完之後覺得簡直回味無窮, 呢間位於東涌嘅"滿樂潮州"果然別有一番風味, 大家去開東涌玩嘅朋友仔可以一試，呢間咁特別嘅潮州美食！
張貼
