極尚大瀛喜日本料理

營業中

休息中

香港人對放題係有一個癮，間中就要食一食。今日又試一間未試過的放題，係元朗站一出就係YOHO好方便。大瀛喜食過了，呢間未試過，好多位都係卡位，坐得好舒服。先試下先刺身，三文魚、北寄貝、希靈魚、油甘魚、赤蝦、帶子、虎蝦咩都有，仲有唔係好多地方有的松葉蟹腳。全部都好新鮮，刺身控一定好滿足。熟食唔止可以order仲有得出去自助區拎，真係要帶個大D的胃嚟先得，必點的紅燒乳鴿、鮑汁花膠、魚肚金湯翅都係必食回本之選，全部都好味道。放題基本的炸芝麻雞翼、芝士年糕、天婦羅、榴槤炸彈都輕嘗了一下。壽司都好多特別之選，蒜香牛油熟帶子同燒鹽醬和牛肩脾壽司都好出色，仲有海膽手卷少少飯配上鮮甜的海膽，正。食到咁上下當然要食D甜野，我今晚的目標之一燒榴槤，舊舊香甜仲有焦香真係回味無窮。最後再食埋佢地的雪糕，好多款式，連Häagen-Dazs同movenpick都係大量任食，真係超滿足的一餐。