宴 尖沙咀

尖沙咀一向出名多野食，在附近行街完左同朋友見到呢間日式居酒屋，睇餐牌發現有放題食，好特別，反正都打算搵個地方休息傾偈，就決定喺呢度食晚飯！呢度嘅環境坐得舒服，有傳統日本居酒屋嘅味道和氣氛！我哋叫咗個人氣竹餐放題，入面有幾樣餸係無限任食嘅，仲有送蟹同鮑魚，幾抵食！兩種湯底醬油湯同豬骨湯都好香好夾！可以任食和牛，從色澤同油脂上睇，算好唔錯！而且夠新鮮滑嫩，配兩種湯底各有風味！ 仲有送嘅半隻松葉蟹同一客鮑魚，非常新鮮，松葉蟹嘅味道清甜，好香蟹味；鮑魚有咬口感，幾有誠意！食咗啲肉，再加埋啲菜都好清爽，我哋要咗一套蔬菜拼盤，吸左湯味更加豐富！我同朋友都食到好飽，尤其係和牛片，任食真係好爽！CP值高！