成都老碼頭火鍋 (已結業)

湯底叫咗宮廷藥膳湯，勁香同埋好好香中藥味。食物方面我哋叫咗舌尖上的牛舌，牛舌係已經醃左，有少少辣味，輕輕燙一兩下已經食得。爽脆牛黃喉，非常之爽口，焯十零幾秒鐘就食得。另外叫咗一個老友鬼鬼，即係墨魚滑釀油炸鬼，墨魚滑，好香墨魚味。手切極品牛小排超好食，油脂好豐富，肉味都好岀，咬落去入口即溶。西班牙黑毛豬腩肉，肥瘦比例適中，食落去一啲都無豬燥味。A 級五花肉，另外海鮮叫咗珊瑚蚌，好爽口彈牙，新鮮。功夫土豆片，唐生菜，娃娃菜都唔錯，比較特別嘅係紫薯寬粉，索湯一流。飲品叫咗杞子龍眼菊花蜜，好解渴。