影片
更多
2024-10-26
298 瀏覽
如果喺太古坊附近番工，都會發現有間極高人氣嘅泰國菜，日日lunch hour都逼爆…“阿叔泰麵Asok Thai Noodle”主打泰國船麵和其他泰國街頭食物，Asok餐廳嘅面積唔算大，但佢嘅signature dish都好高人氣，包括”阿叔牛肉船麵”、”蝦功伴飯”、凍飲”泰式綠奶茶”等。午餐時段會抵食啲，除咗包嘢飲，部分菜式會比晚市平少少。另外佢唔收加一，同樣係優點。阿叔牛肉船麵 (lunch $88連飲品)呢度嘅signature。多料 (牛肉外仲有花生豬皮等)，湯味濃而不渴，最適合就係襯煙煙韌韌嘅金邊粉。蝦功伴飯 (lunch $128連飲品)呢度嘅隱藏絕技。好多隻鮮甜彈牙嘅大蝦，連同極鮮味嘅咸蛋黃蟹黃醬，食落去好有咸香，用嚟撈飯，唔使形容啦啩？泰式綠奶茶 (lunch set +$12)Matcha Latte飲得多，但用綠茶葉沖嘅奶昔奶茶就比較罕見。飲落有啲泰式奶茶嘅甜味，但同時有綠茶嘅茶葉味，幾特別，外形都討好。炭燒豬頸肉 (lunch set +$25)Lunch set加少少錢就有嘅小食，份量一啲都唔少，而且每一件豬頸肉都大件，炭燒味唔錯。佢本身跟咗個甜酸汁，不過個人覺
“阿叔泰麵Asok Thai Noodle”
主打泰國船麵和其他泰國街頭食物，Asok餐廳嘅面積唔算大，但佢嘅signature dish都好高人氣，包括”阿叔牛肉船麵”、”蝦功伴飯”、凍飲”泰式綠奶茶”等。午餐時段會抵食啲，除咗包嘢飲，部分菜式會比晚市平少少。另外佢唔收加一，同樣係優點。
阿叔牛肉船麵 (lunch $88連飲品)
呢度嘅signature。多料 (牛肉外仲有花生豬皮等)，湯味濃而不渴，最適合就係襯煙煙韌韌嘅金邊粉。
蝦功伴飯 (lunch $128連飲品)
呢度嘅隱藏絕技。好多隻鮮甜彈牙嘅大蝦，連同極鮮味嘅咸蛋黃蟹黃醬，食落去好有咸香，用嚟撈飯，唔使形容啦啩？
泰式綠奶茶 (lunch set +$12)
Matcha Latte飲得多，但用綠茶葉沖嘅奶昔奶茶就比較罕見。飲落有啲泰式奶茶嘅甜味，但同時有綠茶嘅茶葉味，幾特別，外形都討好。
炭燒豬頸肉 (lunch set +$25)
Lunch set加少少錢就有嘅小食，份量一啲都唔少，而且每一件豬頸肉都大件，炭燒味唔錯。佢本身跟咗個甜酸汁，不過個人覺得跟泰式串燒會仲好。
芒果糯米飯 (lunch set +$30)
相對細碗嘅甜品，但芒果夠甜。飯夠熱，椰汁夠香，當做個小型甜品還可以。
加埋加埋，都係150一位落樓，而且飽到非常，物值相當唔錯，難怪日日排長龍。不過要留意有啲菜式如”椰汁斑斕糕”要晚市先有。
張貼
