摩登堂 (荃灣廣場) (已結業)

同朋友食飯想食好d，又要坐好d，又要喺荃灣，又要有得泊車，除咗商場我都諗唔到可以去邊，上網search吓誤打誤撞去咗荃灣廣場，原來呢度都多嘢食揀，見到呢間泰國餐廳都幾多人排，應該都唔會伏，反正個friend 有排未到，攞定張飛等下先。好彩等左大約15分鐘左右就有枱見佢個水吧擺滿Cha Tra Mue，忍唔住就叫左杯元祖泰奶茶。我朋友係菠蘿fans，就叫杯「波蘿×芒果x四季春」同一串炭燒鮮菠蘿串。我哋兩個女仔無乜食力，唔想太多澱粉質，淨係叫左d小食，蒜蓉牛油醬雞中翼同手打月亮炸蝦餅，再加個仙氣香芒果青木瓜大蝦沙律。佢個沙律真係好「仙氣」，因為佢加左個乾冰喺隔離，打卡一流😂食食下，見到隔離枱有個冬陰功紅蝦湯，又忍唔住跟風😂呢度d嘢食賣相都好ok，又堅係好食，唔會得個樣，唔錯唔錯👍🏼