瘋狂小面 (佳德商業大廈)

營業中

休息中

琴晚同男朋友去咗人氣爆燈嘅瘋狂小面🌶️🍜，食吓佢哋嘅招牌重慶小麵！餐廳裝修幾有中國風，環境都幾寬敞舒適，坐得幾舒服😌。我哋叫咗兩個A+B+C套餐，包麵、嘢飲同小食，抵食之選！🤩🌶️🍜瘋狂肥腸麵 肥腸麵一上枱，香噴噴嘅麻辣味撲鼻而來！🤤啲肥腸處理得非常乾淨，一啲都唔油膩，而且炆得非常軟腍入味，入口即化！😋 個湯底又香又辣，辣得過癮！🌶️🔥 我食到不停飆汗💦但係真係忍唔住要食晒成碗！😭 呢個肥腸麵絕對係全晚嘅MVP！🏆🫘🍜瘋狂豌雜麵 男朋友就揀咗豌雜麵，佢話呢個係佢嘅comfort food😂豌豆🫘同雜醬嘅配搭真係好夾，口感好豐富，豌豆軟糯，雜醬香甜，麵條又夠彈牙！👍 🥚高湯蒸蛋食完咁多辣嘢，梗係要食返啲清淡嘅嘢中和一下！💦呢個高湯蒸蛋滑嘟嘟，入口即溶，高湯味好香濃，食完辣嘢食返啖蒸蛋，真係好舒服！😌🐷紅油耳片紅油耳片都好掂！💕耳片爽脆，紅油辣得嚟好惹味，送麵一流！👍🏿👍🏿👍🏿🍹烏梅汁酸酸甜甜咁，解辣一流！🧊 我哋叫咗兩杯，一人一杯，啱啱好！💕瘋狂小面嘅食物質素真係好高，價錢又合理，環境又舒適，服務態度又好！下次一定會再嚟encore！🥳 推薦俾所有鍾意食辣嘅朋友仔！🌶️🔥