影片
更多
2021-03-25
575 瀏覽
（主要想講今次幫襯有少少唔愉快嘅經歷，但都講講食物啦）因為就快轉工，之後就好難嚟到呢度食，所以今個星期足足嚟咗兩次。早兩日就食咗個蒜泥牛𦟌，覺得牛𦟌可以整到無羶味都唔係個個做到，總之就正今次放lunch時間過嚟食返個最鍾意嘅口水雞刀削麵，加多份紅油抄手，但未入坐就已經有啲唔好嘅經歷。侍應帶咗我去坐一個最埋邊嘅吧枱位但枱底已經放咗一盆生嘅白菜喺度，右邊有幾包麵粉疊喺度。所以食嘅時候會坐得好唔舒服同會好驚污糟，膝頭會頂到應一應。結果我衫袖真係沾到麵粉。同埋呢個位近雪櫃，員工成日需要開雪櫃攞飲品，所以個身會成日掂到我，同埋大力閂雪櫃時會有一大陣生嘅蔥味撲過嚟 😖因為唔想同侍應過唔去，我都無主動要求調位，但我覺得員工先有責任確保呢個位係坐得舒服，或者如果真係無位放貨物都應該臨時唔開呢個位畀客人坐。侍應之間都有少少口角。可能因為老闆要忙另一間舖，無喺度坐陣所以管理上就有呢啲小問題出咗嚟。同埋侍應人數應該有少少唔夠。我會行咁遠過嚟食（距離返工地點20分鐘）係因為我覺得呢間良心小店值得支持，但希望呢啲細節位可以改善啦最後，到找數時我先發覺身上無現金，八達通唔夠錢，收銀叫我自己出去搞掂先返嚟找數。呢啲
因為就快轉工，之後就好難嚟到呢度食，所以今個星期足足嚟咗兩次。
早兩日就食咗個蒜泥牛𦟌，覺得牛𦟌可以整到無羶味都唔係個個做到，總之就正
今次放lunch時間過嚟食返個最鍾意嘅口水雞刀削麵，加多份紅油抄手，但未入坐就已經有啲唔好嘅經歷。侍應帶咗我去坐一個最埋邊嘅吧枱位但枱底已經放咗一盆生嘅白菜喺度，右邊有幾包麵粉疊喺度。所以食嘅時候會坐得好唔舒服同會好驚污糟，膝頭會頂到應一應。結果我衫袖真係沾到麵粉。同埋呢個位近雪櫃，員工成日需要開雪櫃攞飲品，所以個身會成日掂到我，同埋大力閂雪櫃時會有一大陣生嘅蔥味撲過嚟 😖
因為唔想同侍應過唔去，我都無主動要求調位，但我覺得員工先有責任確保呢個位係坐得舒服，或者如果真係無位放貨物都應該臨時唔開呢個位畀客人坐。侍應之間都有少少口角。可能因為老闆要忙另一間舖，無喺度坐陣所以管理上就有呢啲小問題出咗嚟。同埋侍應人數應該有少少唔夠。
我會行咁遠過嚟食（距離返工地點20分鐘）係因為我覺得呢間良心小店值得支持，但希望呢啲細節位可以改善啦
最後，到找數時我先發覺身上無現金，八達通唔夠錢，收銀叫我自己出去搞掂先返嚟找數。呢啲都算係小店先有嘅寬容
張貼
