黑目 (已結業)

係週末嘅早上經過呢間新餐廳，門口裝修好有日本feel，再睇睇放出黎嘅餐牌，覺得幾吸引，所以決定黎試下。鋪頭位置唔算明顯，不過如果口碑好，係邊都唔緊要嘅。早餐份量都幾足，食材新鮮，不過茶就得杯上，無得添飲。如果可以提供到茶壺就會好好多。餐廳裝修都算舒服，背景音樂選擇好適合三兩個朋友傾下計，慢慢坐。唯一美中不足係當日嘅女侍應，佢態度唔係差，不過口吻唔係太適合做服務性行業，比較粗聲粗氣，稍稍破壞左餐廳入面輕鬆恬靜嘅氣氛。