影片
更多
2020-06-29
5787 瀏覽
為左同屋企人慶祝，一行7大人1小朋友，打算去間穩陣地方食buffet, 點知食完後，大感失望無下次，係有史以來食buffet最差既一間😞，又貴又唔好食，重要假期無咩野食，完全睇得出食物慳budget 慳得好勁... 只包一杯普通飲品...其他飲品e.g果汁、啤酒要加錢....印象中$68一杯，無限飲要差唔多$300一位，但個buffet 都已經$6xx一位埋單.....原先我無諗過要寫哩篇食評，所以無影過任何相片比大家睇，食物賣相一般正常無特別，但最後都忍唔住，真係想講下有幾差，有幾失望☹️冷盤無生蠔，只得凍蝦、長腳蟹、麵包蟹&青口，刺身方面有幾款，除咗帶子最好食之外，其他刺身都一般。而我本身鐘意食甜品，但幾乎所有甜品都唔好食，蛋糕好‘鞋‘，魚膠粉既甜品好硬，都唔知食緊糕點定蛋糕🍰，只得一個朱古力榛子蛋糕最好食，好似金沙朱古力咁。但有另一樣唔喜悅既野係，我早前睇過其他食評有梳乎厘，但我當晚七點幾係甜品區唔見有，於是問咗職員點解冇梳乎厘，職員回覆話8點後會有，之後補充一句問我需唔需要比一個我食先，我答‘唔使，等八點後自己攞就可以’，點知到我食完飯差唔多10點，都唔見有梳乎厘，反而只見到多咗
冷盤無生蠔，只得凍蝦、長腳蟹、麵包蟹&青口，刺身方面有幾款，除咗帶子最好食之外，其他刺身都一般。
而我本身鐘意食甜品，但幾乎所有甜品都唔好食，蛋糕好‘鞋‘，魚膠粉既甜品好硬，都唔知食緊糕點定蛋糕🍰，只得一個朱古力榛子蛋糕最好食，好似金沙朱古力咁。但有另一樣唔喜悅既野係，我早前睇過其他食評有梳乎厘，但我當晚七點幾係甜品區唔見有，於是問咗職員點解冇梳乎厘，職員回覆話8點後會有，之後補充一句問我需唔需要比一個我食先，我答‘唔使，等八點後自己攞就可以’，點知到我食完飯差唔多10點，都唔見有梳乎厘，反而只見到多咗一個由8點幾擺到我走，都冇人攞過嚟食既麵包布甸...😌
到點心區除左蝦餃、燒賣、小籠包味道還可以之外，最深刻係蒸餃子既皮厚，味道都係一般。
熟食方面，最多人食就係煎龍蝦，但我就嗅到龍蝦表面有陣鑊燶味，但食落隻龍蝦都好食既。而另外最好係車仔麵，㨂餸食麵最正常外，連我屋企人唯一食最多既係呢樣，而冬陰功湯底唔錯。期後，我老公重發現一個熟食，明明寫住炒胡椒蟹鉗之類既名，但嗰樣餸根本唔係蟹鉗，係煎龍蝦嗰邊檔既龍蝦鉗，你都咪話係食完個buffet ，睇得出慳budget,慳到咁🤦🏼♀️，所以你食煎龍蝦🦞時，係無晒所有龍蝦鉗比你，原來羅左黎整另一樣熟食比客人㨂.....最後都有節瓜螺頭燉湯，但燉湯淡而無味，好似飲水咁，所以都係失望......
最後，最後，餐廳光線好差好暗，好似冇開燈咁....完
張貼
