河內越式料理 (村南道)

營業中

休息中

下午茶時間今日去咗大圍食越南菜，餐廳裝修都好有越南特色，一大張主題掛畫、單車、帽子。而且座位都算寬闊。職員好熱心咁介紹食物。極品牛三寶河粉$72湯底好清甜，河粉軟滑，薄切嘅生牛肉片肥瘦度適中，半生熟咁放入口，牛肉嘅味道分外香濃，另外仲有兩粒已切半嘅牛丸都好爽口，加埋牛展好有咬口，整體份量都好大碗，仲有配辣椒同青檸去調味，令人滿足。越式炸蝦餅 $32蝦餅炸得好香脆，蝦味濃郁，口感彈牙，點埋越式甜辣醬好惹味。香茅雞翼 $22雞翼大大隻，咬落有肉汁，外皮煎香仲帶少少焦脆，食落唔會覺得好油膩，香茅嘅味道突出。熱蜂蜜柚子茶 +$5落左好多柚子，味道清甜又潤喉。冬天飲杯暖粒粒嘅滋潤飲品真係好正。