影片
更多
2024-06-21
86 瀏覽
估唔到旺角有間咁靚嘅日本餐廳，環境有feel又好舒服，而且staff態度超好呀! 我地就叫左個12品嘅餐，價錢都幾合理。-長阪12旬彩席間料理（$468/p.p）象拔蚌、磯煮鮑魚、海膽豆腐3個小點都好精緻🤩! 象拔蚌就配左蜜糖芥末醬，幾特別幾新鮮嘅配搭😍。而鮑魚就整得幾入味，口感好腍🤤。海膽豆腐加左山葵有陣陣鮮味，口感細滑😙。赤貝八爪魚赤貝同八爪魚都分別好爽口👍🏻! 最底仲配埋海帶，加左啲酸酸地嘅醬汁，一齊食好開胃，真係爽上加爽🥰~茶豌蒸真係未見過咁精緻嘅茶豌蒸🥳! 好似成個雀巢咁~ 蛋夠哂滑口呀，仲有大大份海膽同三文魚籽鮮味仲更加重呀😋!伊佐魚配澤蟹餐廳採用左熟成五日嘅伊佐魚，再輕輕炙燒過，魚肉口感嫩滑完全唔腥🤩。旁邊嘅澤蟹係新鮮架，仲係我面前爬緊😂，咬落脆卜卜，店員亦細心提醒食嘅時候小心吉到喉嚨🥰。拖羅蓉最中餅配江戶切玉子燒造型好靚嘅花花最中餅🌸，中間放左拖羅蓉、海膽同三文魚籽🤩。每啖咬落都有好鮮甜，3樣食物嘅配合令到味道好豐富，亦到食到唔同層次🤤。旁邊仲有玉子燒，質感好似蛋糕咁我好鍾意呢隻玉子燒!🤩串燒串燒包括自家製雞肉丸、豚肉蘆筍、煙肉車厘茄🍢。每款都仲好juicy唔會乾爭爭架
-
長阪12旬彩席間料理（$468/p.p）
象拔蚌、磯煮鮑魚、海膽豆腐
3個小點都好精緻🤩! 象拔蚌就配左蜜糖芥末醬，幾特別幾新鮮嘅配搭😍。而鮑魚就整得幾入味，口感好腍🤤。海膽豆腐加左山葵有陣陣鮮味，口感細滑😙。
赤貝八爪魚
赤貝同八爪魚都分別好爽口👍🏻! 最底仲配埋海帶，加左啲酸酸地嘅醬汁，一齊食好開胃，真係爽上加爽🥰~
茶豌蒸
真係未見過咁精緻嘅茶豌蒸🥳! 好似成個雀巢咁~ 蛋夠哂滑口呀，仲有大大份海膽同三文魚籽鮮味仲更加重呀😋!
伊佐魚配澤蟹
餐廳採用左熟成五日嘅伊佐魚，再輕輕炙燒過，魚肉口感嫩滑完全唔腥🤩。旁邊嘅澤蟹係新鮮架，仲係我面前爬緊😂，咬落脆卜卜，店員亦細心提醒食嘅時候小心吉到喉嚨🥰。
拖羅蓉最中餅配江戶切玉子燒
造型好靚嘅花花最中餅🌸，中間放左拖羅蓉、海膽同三文魚籽🤩。每啖咬落都有好鮮甜，3樣食物嘅配合令到味道好豐富，亦到食到唔同層次🤤。旁邊仲有玉子燒，質感好似蛋糕咁我好鍾意呢隻玉子燒!🤩
串燒
串燒包括自家製雞肉丸、豚肉蘆筍、煙肉車厘茄🍢。每款都仲好juicy唔會乾爭爭架!，配搭嘅醬汁同調味都好啱~😘
燒藍鰭吞拿魚下巴
好似係第一次食下巴位，好特別😯。而且油脂都唔少架味道好香，食落魚肉原來都唔小，沾埋醬汁食落會冇咁油膩架!😌
天婦羅
天婦羅有魚同番薯，外皮炸得又薄又脆，口感好好🍤。番薯好厚身，魚肉都真係啖啖肉(不過有少少細軟骨要小心)😋，可以加蘿蔔蓉落天婦羅汁到，或者有個好特別嘅抹茶鹽可以沾架!🥳
燒北寄貝
用左牛油去做調味，醬汁清甜唔會太濃，令到每一啖都好香😋。而北寄貝仍然保持到爽口有水份，底部仲有啲菇架~🤗🤗
櫻花蝦炒飯配沙甸魚魚乾
炒飯舖左滿滿嘅櫻花蝦，味道清淡，所以要夾埋沙甸魚魚乾一齊食😋，一淡一濃啱啱好平衡返，感覺幾特別~👍🏻
文甲魚湯
餐廳將魚反覆煎咗8個鐘再熬成湯😯，有魚嘅鮮甜但又唔會太濃變左好腥，反而清清地食完咁多野飲好舒服😌。另外有大蜆同好足料嘅海帶，豐富又好味!🤩
甜品
估唔到甜品都咁有睇頭，包括十勝紅豆蕨餅、檸檬蛋捲同菠蘿西瓜汁🥰🥰。以為菠蘿西瓜汁個泡泡會好快爆仲趕住打卡，點解吉左一下都唔爆😂! 果汁好鮮甜飲得出係新鮮水果嘅味道🍍🍉~ 而檸檬蛋捲味道偏酸，好解膩但建議食左先🍋! 最後蕨餅軟林林配紅豆一齊食好夾! 有咁多甜品做結尾好幸福!🥰
張貼
