影片
更多
2025-03-17
120 瀏覽
網上好評如潮既手工火鍋🥘🤭 招牌嘅火焰三椰雞鍋超級吸睛🔥🥥🐓打卡一流😚 緊係要嚟試吓係咪真係咁好食🤓🤓餐廳座位闊落坐得好舒服 而且環境都唔會過於嘈吵，好適合同朋友放工嚟吹吓水🔸火焰三椰雞鍋（$348）個鍋底會喺客人面前即場準備😍😍 店員會先將黃油雞同椰子肉炒香，加埋白酒之後再點火令雞肉充滿咗酒香🥰🥰之後會加入成個椰青水、椰皇水同埋新鮮雞湯🙊慢火煮滾之後再由店員撇走雞油，店員推介先飲湯同食雞，之後再打邊爐湯飲落去真係好香椰子味同好清甜🥹🥹 飲咗兩碗都仲未捨得打邊爐🤣🔸美國安格斯牛肉($268)大大碟美國安格斯牛肉 油花好均勻👍而且食落冇渣 好濃牛味😚😚 點埋火鍋豉油同配料真係冇得頂🔸手打鹹蛋黃蝦丸($52)雖然得四粒，但係手蛋蝦丸嘅質素真係非常高🥹 蝦質地好彈牙同埋新鮮而且入邊包住嘅鹹蛋黃醬好夾，而且好有驚喜🥰 但係注意要攤凍少少先好食，如果唔係會爆曬啲熱汁出嚟辣到口🥹🔸松菌菇($48)松菌菇好少喺出邊打邊爐食到 見呢度有得叫梗係要試吓😊 呢種菇本身草青味比較重同埋煮得耐都唔會變得好腍，質地好爽口😙 冇食過嘅朋友值得一試🔸荔枝豚肉串($48)豚肉片包住荔枝，估唔到又幾有趣既配搭🤭 豚肉片
招牌嘅火焰三椰雞鍋超級吸睛🔥🥥🐓打卡一流😚 緊係要嚟試吓係咪真係咁好食🤓🤓
餐廳座位闊落坐得好舒服 而且環境都唔會過於嘈吵，好適合同朋友放工嚟吹吓水
🔸火焰三椰雞鍋（$348）
個鍋底會喺客人面前即場準備😍😍 店員會先將黃油雞同椰子肉炒香，加埋白酒之後再點火令雞肉充滿咗酒香🥰🥰之後會加入成個椰青水、椰皇水同埋新鮮雞湯🙊
慢火煮滾之後再由店員撇走雞油，店員推介先飲湯同食雞，之後再打邊爐
湯飲落去真係好香椰子味同好清甜🥹🥹 飲咗兩碗都仲未捨得打邊爐🤣
🔸美國安格斯牛肉($268)
大大碟美國安格斯牛肉 油花好均勻👍而且食落冇渣 好濃牛味😚😚 點埋火鍋豉油同配料真係冇得頂
🔸手打鹹蛋黃蝦丸($52)
雖然得四粒，但係手蛋蝦丸嘅質素真係非常高🥹 蝦質地好彈牙同埋新鮮而且入邊包住嘅鹹蛋黃醬好夾，而且好有驚喜🥰 但係注意要攤凍少少先好食，如果唔係會爆曬啲熱汁出嚟辣到口🥹
🔸松菌菇($48)
松菌菇好少喺出邊打邊爐食到 見呢度有得叫梗係要試吓😊 呢種菇本身草青味比較重同埋煮得耐都唔會變得好腍，質地好爽口😙 冇食過嘅朋友值得一試
🔸荔枝豚肉串($48)
豚肉片包住荔枝，估唔到又幾有趣既配搭🤭 豚肉片燒到好香脆，而入面既荔枝帶出輕微既甜味同清新口感
張貼
