Amitie Kitchen

營業中

休息中

喺尖沙咀H8發現咗間叫AMITE KITCHEN嘅西餐廳，星期二晚上居然有三四成客滿，係宜家喱個環境真係有少少驚訝。入到餐廳，店員都幾積極，立即招呼坐底同埋俾左水先。餐前面包餐包係牛角包同埋竹炭，係面包種類既選擇上幾有心機，配左果醬同牛油。火炙半熟三文魚沙拉三文魚的鮮美搭配著配料醬汁的清新開胃，係一個好好既前菜，三文魚超厚身，未食主菜都飽左一半。8盎司西冷牛排入口鮮嫩多汁，散發出淡淡的炭燒香氣，係自己係屋企整唔到既味道，配菜有粟米﹑薯仔﹑小蕃茄等等。牛肝菌蘆筍意大利飯牛肝菌蘆筍意大利飯散發著濃厚的牛肝菌香氣，意大利飯Q彈，索哂湯汁非常香濃。士多啤梨朱古力窩夫窩夫新鮮制作既，夠熱同香脆，搭配士多啤梨雪糕都幾難唔好食，餐廳有心機整靚個伴碟。整體食材新鮮同埋出餐幾有誠意，連水果茶都係有滿滿既生果同埋容器幾特別，係一間會再回頭嘅餐廳。