雪山冰廳

營業中

休息中

一入到去就好有：返到屋企等阿媽開飯嘅感覺。地方比較寬敞，又唔係好嘈，冇電視播埋啲唔等使嘢，可以正經地咁食個飯。- 叻沙海南雞米線。叻沙有叻沙味、雞亦都有雞味。- 芝旦牛肉漢堡。漢堡炸到微脆又保留到肉汁。- 榛子醬西多士。香港人自主研發嘅西多士，真係百搭冇得輸。呢度用上邪惡嘅 Nutella 做流心餡。- 蒜蓉炒西蘭花。都係中式嘢做得特別出色。西蘭花淨係用上最嫩口 花嘅部份，炒得嫩口有鑊氣。- 溫泉蛋肉醬焗意粉。又係一個可以激嬲意大利人嘅出品。呢度用一個介乎喺 湯/撈 嘅狀態演繹出具有香港特色嘅意大利名菜。最後唔好錯過佢哋印製精美錯漏百出嘅menu、阿姐每日喺黑板上手寫嘅丹青。