貓之茶房 (弼街)

營業中

休息中

呀女學校放假，即刻帶佢去貓cafe玩吓。呢間貓cafe好近太子站，交通好方便。入貓cafe前要換上即棄拖鞋同消毒雙手先，睇得出好注重貓貓嘅健康，盡量避免客人帶左啲菌入去。另外仲會先説明同貓貓玩嘅規則，希望人同貓貓都可以玩得開心。一入到去有一棵好大嘅貓樹！cafe 主要用左白色同淺藍色，再加上彩光好好，整體感覺好簡潔舒適，仲有好多悠然自得嘅貓貓，感覺即使係自己一個人都可以好休閒舒適咁坐一日。Cafe提供嘅飲品同小食嘅價錢相宜，質素仲要唔錯，我要左凍杯mocha$20，柚子茶$6，朱古力松露蛋糕都只係$18！朱古力味香濃，個女好鍾意食。