影片
開飯介紹
悠閒自在的貓貓Cafe有輕食、茶飲和甜品供應，客人可以一邊品嚐輕食，一邊跟貓咪互動，用餐則按時收費。
繼續閱讀
附加資料
收費每位首小時$58 (假日$68), 次小時$38 (假日$48), 閒日$118 全日任坐, 閒日學生優惠$10
營業時間
今日營業
11:30 - 22:30
星期一至五
13:30 - 22:30
星期六至日
11:30 - 22:30
公眾假期
11:30 - 22:30
以上資料只供參考, 請與餐廳確認詳情
放假期間，留港消費，和朋友去到位於弼街的貓之茶房，一起去和貓貓聚會。由進場開始，就能感受到這個地方的細緻和用心，職員很有耐性的介紹每一個注意事項，令首次到訪的我們倍感安心。入場之前，我們需先換上即棄拖鞋；拖鞋分大人和小孩兩款尺碼。門口亦提供消毒噴霧；職員亦提供一個尺碼非常大的膠袋，讓我們放好隨身物品。職員亦特意提醒我們降低音量，以免嚇怕貓貓；此外亦不可抱起貓貓；有些貓貓比較不喜歡陌生人，以特定頸巾示意。場內除了提供付費食物和飲料之外，亦有免費茶水供人類享用。我選擇的巴斯克芝士蛋糕和Latte咖啡味道也不錯，甜度適中，而且包裝可以密封，享用期間離開座位的話，可以把膠蓋蓋好，以免被貓貓誤用。當然也有招呼貓貓的選項呢！當然醉翁之意不在酒，進場是盡情和貓貓歡聚。場內貓貓數量頗多，而且品種也不同，各有各可愛的模樣。場主充分運用資源，幫助貓貓，資訊也有提供給顧客呢。
繼續閱讀
集寧靜、舒壓、治癒嘅好去處《貓之茶房 (弼街)》一直都好鍾意貓貓，但本人因為屋企人反對嘅緣故，所以一直都唔可以喺屋企養貓，不過我一直冇放棄到自己鍾意撚貓嘅喜好🤣所以今日就同朋友選擇嚟到呢一間位於太子嘅貓貓cafe🐹。好難相信喺香港鬧市當中有一處咁嘅地方🐱cafe位於一樓，一條短短嘅樓梯增添左神秘感😎上到cafe門口，係開放式落地玻璃嘅門口，令人一眼已經望到cafe嘅環境，同埋貓貓喺入面玩嘅情況，聽完店員短短嘅解釋，已經急不及待換上拖鞋，消毒雙手，然後走入去cafe搵貓貓玩🤤。Cafe內有數十隻貓貓，每隻都有唔同嘅性格，有啲比較貪玩🤩有啲鍾意瞓覺😴有啲比較怕醜😳有啲就好餵食😋。值得一提，有幾隻貓貓係有特別嘅情況，因為比較怕人、細膽，店舖亦好貼心咁為呢幾隻貓貓標上特別嘅標誌，會喺進入店舖之前同我哋講述，可以摸佢嘅位置。另外，本店有特別嘅規矩，即使你同貓貓好熟都好，客人係唔能夠抱起佢哋玩，因為都要保障返貓貓同埋客人嘅安全👍🏻。食物：由於店舖主打係同貓貓互動，所以佢哋提供嘅只係輕食，包括三文治、蛋糕同埋曲奇，唔會有主食提供。所以去玩嘅朋友要注意，可能要食咗嘢先上去啦😉飲品方面則有少量罐裝飲品、乳酸飲品、朱古力奶同埋咖啡。另外，熱茶係免費提供，有少量嘅茶包可以選擇，價錢平民，50蚊內就可以買到嘢食同埋嘢飲 。收費：頭一個鐘58蚊，第二個鐘38蚊，食物價錢方面，就如上述所講係另計嘅；而餵貓貓嘅食物亦都係另計嘅。環境：環境舒適，如標題所講，非常治癒、寧靜同埋舒壓，基本上每一刻都係畀貓貓包圍緊🤣另外，貓貓活動範圍都好夠，空間感十足，店內亦設有貓貓棒比客人同貓貓進行互動👍🏻。總結：人均消費大約hkd110至120，非常抵玩。最緊要係令到自己嘅心情可以放鬆，絕對係治療壓抑心情嘅好去劇😊👍🏻。
繼續閱讀
同朋友經過呢間貓cafe，上黎座一座。入到去時，要換鞋，要洗手；盡量要乾淨先可以摸貓。之後再要入另一對門先得，入到去，職員會再俾一個袋我地放自己既袋，都做到好乾淨。入到去，一啲都冇味，裝修木系，清新，地方舒適！眼見好多貓貓，佢地都好得意呀，佢地好貓都有唔同既地方休息。佢地全部都唔怕人，會主動走埋黎；呢間既貓主子全部都係領養返黎，唔似有啲CAFE係買返黎，但之後為左做生意對佢地好差果啲，但呢度眼見隻隻貓都好得意，好親人，好精靈。佢呢度係有唔同貓小食可以買黎俾佢地食，除左貓零食外，佢地有蛋糕同飲品，我地都可以自行購買！丫，咖啡同茶係免費既！！呢度除左玩貓外，仲有唔同既Card Game ，大家可以玩耐啲！呢度平日都好多人喎，整體好好，地方空間好足夠，又可以俾貓主子走，又可以俾人座既地方，陽光又足夠。鍾意貓貓既人可以黎玩下！整體味道指數：😋😋😋😋/5性價比：💰💰💰💰/5環境：❤️❤️❤️❤️/5服務：✅✅✅✅/5
繼續閱讀
歎住嘢食，陪下貓仔一入到貓Cafe，即刻俾啲貓貓吸引住，佢哋有啲攤喺度曬太陽，有啲就周圍八卦，成個環境都好舒服，令人即刻放鬆晒。店員好nice，仲好細心照顧啲貓貓，睇得出佢哋真係好錫動物。除咗可以同貓貓玩，呢度仲有嘢飲同蛋糕食，我嗌咗杯咖啡同蛋糕，味道都唔錯。一路食嘢一路睇住啲貓貓，真係好治癒，時間好快就過咗。最特別嘅係，呢間貓Cafe仲有貓貓領養服務，同動物保護組織合作，幫啲流浪貓搵新主人。每隻貓貓都有自己嘅故事，有啲曾經流離失所，有啲就俾人遺棄，睇到佢哋而家喺度咁開心，真係好戥佢哋高興。今次去貓Cafe，除咗玩得開心，仲令我更加關注流浪動物嘅問題。希望大家都可以支持「領養代替購買」，俾多啲機會啲流浪動物，等佢哋都可以有一個溫暖嘅家。
繼續閱讀
貓之茶房系一間連鎖貓貓cafe，直至現在已有4間分店，同朋友咁啱系旺角食野，就幫襯旺角店。裡面有好多隻貓貓🐱環境十分治癒～非常適合愛貓人士去同貓貓玩吓，見識吾同品種嘅佢地，同埋會睇到佢地之間互動嘅趣怪反應😆有個打卡位個人覺得幾可愛，可以同朋友或者另一半喺度影相留念😆講番貓貓cafe系有食物提供，不過就得蛋糕🍰三文治🥪同埋曲奇🍪食物可以系收銀處旁邊推門入內拎，價錢吾貴。曲奇牛油味重🧈亦不至於太膩。巴斯克蛋糕表面焦香，蛋糕芝士味濃郁🧀
繼續閱讀