越式小廚

營業中

休息中

今日去左旺角行街，食晏時間條街咁熱，見到有間食粉麵嘅都幾啱呢d天氣食，所以就入去試下。越式生牛肉湯河（蔬菜粉）🅰️🅰️🅰️🅰️🅰️呢間幾特色就係用蔬菜粉，我就未試過，似泰國彩虹河粉咁，味道正常不過好健康咁😝講返個主菜，湯底唔會有味精味，牛肉始終係新鮮牛肉都有肉味又嫩滑，整體唔錯，推介！越式燒頸肉🅰️🅰️🅰️🅰️🅰️大家見呢份其實係細份嚟，估唔到都有咁多舊，而且又大大塊，呢個幾抵食，有驚喜。蜜糖薑茶🅰️🅰️🅰️🅰️好重薑味，感覺好足料咁，甜甜地用嚟解一解豬頸肉嘅油香就啱啱好，呢杯幾推薦大家試下。係旺角區街頭有間舒舒服服食餐粉麵，又唔係食遊客價錢嘅小店麵幾值得支持，尤其係佢地員工好好笑容，用餐體驗愉快，推薦大家過開嚟搵食試下！