金公館 (已搬遷) 新店位置

灣仔新開餐廳 －金公館，以四川菜為主。電Pro位置雖然不在主要大街，但開張兩個月，不乏座上客🍽。▫️樓高兩層，沿着樓梯行上去已經見到裝修非常有氣派🐉，由玻璃櫥窗到枱上既餐具都古色古香🐲，環境令人聯想到傳統與時尚既混合版。最令我驚喜就係用爵當茶杯☕️，有係時候要展示港女10式拎住爵來影相📷。▫️一打開餐牌，佢哋可以叫小菜之外仲有打邊爐，因為我哋太為食，所以兩樣都叫晒😋😋！喜歡食辣嘅朋友，一定好鍾意間餐廳，因為佢既辣唔係求其用啲辣醬煮，而係有好多唔同層次嘅辣香料味道🍲🍲。▫️食物我哋叫咗麻辣火鍋併龍蝦湯🦐，兩邊湯底好味到震，個龍蝦湯真係有鮮甜龍蝦味，而麻辣火鍋越食越辣同惹味。火煱配料非常新鮮，簡直拍得住好多出名嘅火鍋店!! 👍🏻👍🏻▫️除咗火鍋之外，我哋仲叫咗蒜泥白肉🐖、口水雞🐓同草船川辣串串蝦。首先，香港式嘅蒜泥比較鹹同同粗糙，而中國式蒜泥係比較淡味、蒜味濃同滑溜。佢哋非常正宗，採用中國式蒜泥！另外，草船串蝦一定要必叫，一碟有10隻🖐🏻🖐🏻。成個賣相雖然有點令人嚇怕，舖滿紅椒，但唔太辣，串燒蝦🦐用孜然粉調味，再配上紅椒🌶嘅麻香味，令人食指大動，食多一打都冇問題👅！我一定會返黎食回頭草😂🤣😂