影片
更多
2022-10-04
23 瀏覽
係時要獎勵下自己食餐好嘅日本菜啦！當然係食omakase !!! 今次lunch 食咗個 15貫壽司同手卷 包埋甜品架 重點佢地呢個set 可以揀一枝300ml 嘅大吟釀or 其他soft drinks 今次我同朋友揀咗酒，lunch 都飲酒係咪少癲店員會問我地想要咩類型嘅酒 咁我地就話想要甜d 易d入口嘅 之後就有得揀杯 然後佢再幫我地倒入個冰茶壺到再倒入杯 （都幾煩架）不過期間 個店員 想配合我影相搞到 倒咗少少落枱 浪費咗d酒比尖叫聲先！！！下面就係 將要食嘅壽司啦都有幾種未出現其實佢仲有沙律同茶碗蒸，都正正常常 冇食到哇一聲嘅好味 我就唔特別講 😂同影因為我想直接講我地嘅主角！今次serve 我地嘅師傅都係一個幾talk 得嘅人😂 一邊傾煮野食 點整 氣氛輕鬆嘅 加埋介紹下d 壽司 同魚嘅 背景 真係長智識。師傅都有講 其實由淡味食到濃味已經係比較old school 嘅食法 所以今次會改變少少食法以下係我食完最有記憶點嘅壽司：深海池魚 配黑松露酸汁 同一片無花果 好似冇試過有咁大塊配料係魚上面都冇 奪走魚嘅味反而提鮮咗同埋好夾 食完好開胃！深海池魚肉質都爽口 感覺好嫩左口魚魚
今次lunch 食咗個 15貫壽司同手卷 包埋甜品架 重點佢地呢個set 可以揀一枝300ml 嘅大吟釀or 其他soft drinks
今次我同朋友揀咗酒，lunch 都飲酒係咪少癲
店員會問我地想要咩類型嘅酒 咁我地就話想要甜d 易d入口嘅
之後就有得揀杯 然後佢再幫我地倒入個冰茶壺到再倒入杯 （都幾煩架）
不過期間 個店員 想配合我影相搞到 倒咗少少落枱 浪費咗d酒
比尖叫聲先！！！下面就係 將要食嘅壽司啦
都有幾種未出現
其實佢仲有沙律同茶碗蒸，都正正常常 冇食到哇一聲嘅好味 我就唔特別講 😂同影
因為我想直接講我地嘅主角！今次serve 我地嘅師傅都係一個幾talk 得嘅人😂 一邊傾煮野食 點整 氣氛輕鬆嘅 加埋介紹下d 壽司 同魚嘅 背景 真係長智識。
師傅都有講 其實由淡味食到濃味已經係比較old school 嘅食法 所以今次會改變少少食法
以下係我食完最有記憶點嘅壽司：
深海池魚 配黑松露酸汁 同一片無花果 好似冇試過
有咁大塊配料係魚上面都冇 奪走魚嘅味反而提鮮咗同埋好夾 食完好開胃！深海池魚肉質都爽口
感覺好嫩
左口魚魚邊 呢個好正 因為好有油香 上面有洋蔥同佢地自己炒嘅 芝麻 再香d d左口魚魚邊入口即溶
帶子 配d柚子皮碎係壽司面 好大粒 好鮮甜
葉血引 佢好似吞拿魚 而口感似青魚 上面加咗胡椒
呢個係燒九肚魚 真係好少見 上面加埋魚子醬 多油 個人好鐘意油香嘅壽司
油甘魚 配炸** 你地估下上面係咩？ 因為師傅都有叫我地估 我地估 乾蔥 ，洋蔥都錯 開估啦 係京蔥啊 佢話洋蔥果d比較難整到一條條絲咁食落 真係有d香口同個魚幾夾
池魚 （唔同深海池魚）配蘋果姜蓉 食到飽飽地再食反d甜薑又可以有翻d胃口 消飽滯 呢個d魚質都係好爽口
尾2一件 係smoke過 拖羅 睇落好似煙鴨胸
食落肉質實d
呢間比較特別係 佢最尾果件係encore 嘅 就係點翻前面食過嘅 覺得正嘅一件 不過佢地會用唔同方法整 都好考 師傅功夫架
就好似我咁 我揀咗九肚魚 今次佢就轉咗個topping 唔係魚子醬 而係蒜蓉 呢個又係另一種風味！
最後黎個超creamy 嘅海膽手卷 睇翻相都好想食omg
佢最後有個師傅自家製奶凍同埋有麵豉湯
Lunch 食係性價比高d
張貼
