YAKINIKU KAKURA (黃埔天地聚寶坊)

營業中

休息中

辣牛肉麵好足料，好多蛋花之餘仲有一片片嘅唔肥但好香牛味嘅牛肉薄片 ，面底配埋福岡拉麵，口感似煙韌韌嘅韓式粉絲，絕對係一碗認真製作選材嘅牛肉麵！黑毛和牛大盤燒盛合真係唔講得笑，油份分布十分平均，簿切一大塊一放上去燒已經見到有油份出晒嚟，另外嘅牛裏腹小排同牛末脊肉燒好配埋飯食，放入口肉汁同油粉必晒出嚟，香噴噴，送飯一流，搞到碗飯好快就食晒。另外嗌咗一份mix燒肉盛合，有牛舌，牛扒豚肉同埋雞髀肉。牛肉雖然唔係黃牛，但係燒完出嚟一樣咁多汁送飯一流。牛舌切嘅厚度啱啱好，唔會太厚太韌，又唔會博得滯好似冇食過咁。雞肉有驚喜，雖然冇醃過，但係燒完出嚟好香，完全冇嗰種雪藏肉嘅味。唔知有冇人好似我一樣，都鍾意食燒肉嘅配菜，慢慢烤，特別係南瓜最後會燒到好腍，我食得出南瓜嘅香味好好食。