家家戶戶

營業中

休息中

今晚係尖沙嘴食飯，黎出名多韓國菜食嘅金巴利街，呢間小店感覺係傳統韓國家庭式裝潢。 menu以set為主，另外有d小食可以叫。我叫咗石頭窩牛肉飯，朋友就揀咗海鮮辣湯飯。石頭窩嘅熱氣令牛肉香味四溢，飯吸收咗牛肉汁，口感豐富有層次。而且牛肉份量好多，唔韌，大滿足。朋友嘅海鮮辣湯飯又係另一番風味，湯底鮮辣，海鮮都好多而且新鮮。每個set包四款小菜：泡菜、豆腐、花生同韭菜。最有驚喜係豆腐，滑嫩，帶微微豆瓣醬香。呢度嘅套餐組合豐富多樣，每種搭配都令人驚喜。最後，套餐仲有一支益力多，都幾特別。我覺得味道又好，價格又實惠，店鋪稍微要排隊。