麻辣香鍋

營業中

休息中

天氣咁熱冇乜胃口，一於去麻辣香鍋，食辣嘢刺激吓味蕾！呢度夜晚都幾多人，好在我哋去嘅時候啱啱有位。嚟到麻辣香鍋，一定要食佢哋嘅香鍋，選擇夠多，而且味道好好😋☺️☺️ 我哋今晚眼闊肚窄啊，嗌咗好多個配料：豬頸肉、肥牛、午餐肉、芝士腸、豆卜同埋薯粉，上枱嘅時候勁大兜，真係色香味俱全👍👍👍 我哋另外加咗一碟乾煸四季豆，兩個人食就好足夠了！豬頸肉同午餐肉都係必食推介，煎得香脆，同埋香辣嘅味道真係好正。豆卜都好正，吸味一流。一路食辣嘢，一路飲冰凍嘅凍檸茶，麻甩又開心😂食到咁飽，每人都係百幾蚊，真係好抵食。