劉森記麵家 (褔榮街)

營業中

休息中

行過，比D廣告吸引住，就係咁，2個人己經好飽都走入去試一試。叫左一碗雲吞麵，等個陣見枱頭有醃蘿蔔，想食，望下又唔見有碟仔係枱面，算啦，冇食。好快上枱，賣相幾好喎，快手快腳左幾張相，因為驚麵淋左會唔好食架。雲吞有5粒，蝦爽口，大小剛好可以一啖一隻，雲吞皮都好滑，但有一隻好咸。好食的。再講麵質，幾爽口，花咁多功夫做出黎的麵，的確同普通麵唔同食法。湯底，好重味，其實都幾咸。總結:$18可以食到咁比心機做的雲吞麵，其實好抵食。但個人口味就略為覺得湯底味太濃。份量幾少架，本身我都食到好飽，所以就冇咩所謂，當一餐食，一碗麵就唔係幾夠啦。