The Pearl

朋友食過呢間餐廳極力推介咁就特登去試吓，頭盤我哋叫左ceviche tuna salsa ,好精美又開胃，酸甜開胃，底部係烤鱈魚脆片，令個菜式有口感😋仲叫咗個garlie prawns conflict ,隻蝦好大隻又彈牙，配金黃色既脆蒜片同橄欖油多士，好惹味👍🏽和風原隻磯燒鮑魚配野菌意大利飯，一上枱就好驚訝，隻鮑魚好大隻，份量好足，而且磯燒好入味，有鮮味又有咬口，野菌意大利飯都好足配料，有好多菌粒，飯帶咬口又掛汁，對得住個價。最後係慢煮西班牙黑毛豬鞍架，厚切上又唔會太乾，切開有粉嫩既中心，又吾會柴柴。朋友果然無介紹錯😊係個有水準既餐廳飲品就叫左Passionate Night 同 Pearadise前者無酒精，濃郁提子汁再帶點熱情果味。後者雖然有酒精，但係都好易入口，帶甜又有梨味。