滾爺火鍋 (金巴利道)

營業中

休息中

天氣凍凍地，想去尖沙咀搵間餐廳打邊爐，於是就入去試一試，估唔到有意外驚喜！入到去先點咗半隻椰子雞 $248店員會將馬蹄粒、椰子肉切好咗，然後喺湯底度倒入兩隻椰皇、兩隻椰青水，然後再加埋文昌雞雞肉。湯底一啲味精都冇，滿滿嘅椰子水香味，再加埋雞肉既鮮味，而且文昌雞嘅雞皮好脆，肉質又唔會好淋。最開心係喺香港食到馬蹄粒，因為平時買到既都係原粒大馬蹄，細馬蹄更加爽口同脆，同埋更加香甜。最後先唔好落其他打邊爐嘅材料，呢碗椰子湯唔可以錯過，清潤得來又帶有鮮味😍而且完全唔會飲完口渴，真係好好飲！估唔到喺香港都食到咁正宗嘅椰子雞👍🏻👍🏻不得不提係醬料方面，佢哋會提供埋泰式小青檸🍋‍🟩仔，係食椰子雞必備嘅醬料！可以中和雞嘅油膩感。最後仲叫咗一份安格斯牛肩胛同埋一支藍妹，真係完美既一餐。