うなぎ四代目菊川

營業中

休息中

四代目菊川⭐️紅白雙拼一本重特登黎試呢間日本過江龍，揀咗雙拼可以一次過食晒蒲燒鰻魚同白燒鰻魚。蒲燒鰻魚外層燒到微微焦香，有炭火🔥獨有嘅香氣，肉質仍然保持到嫩滑。醬汁甜鹹平衡得啱啱好，唔會過於搶味，反而襯托出鰻魚本身嘅油香。白燒鰻魚就行簡單純粹路線🥢，因為冇落任何醬汁，所以更加突顯出食材本身嘅鮮味。如果想味道重一d，都可以揀配埋山葵或者玫瑰鹽一齊食。間餐廳係喺利園一期，個人都幾鍾意呢個地方，人流比較少，可以舒舒服服咁食嘢，唔使成日聽到隔離位嘅私人野🤣。唯一考慮嘅地方係佢哋嘅鰻魚飯價錢會比較高，但係始終食材質素同炭燒技術都係正宗日本風味，所以我覺得收費算幾合理嘅。