羊蹄山

營業中

休息中

上星期同朋友去食過，大家都讚不絕口，無諗過羊肉唔同嘅部位都有咁大嘅分別，就好似食緊牛肉咁，每一個部位都有佢嘅味道同口感。食嘅時候都要從淡到濃味咁品嘗，確保每一口都係享受。😌😌我哋今次點咗羊頸、梅頭、西冷用來烤，另外仲點咗羊肉湯同羊肉餃子，實行來個全羊宴～🤣🤣羊肉湯⭐⭐⭐⭐⭐用咗至少1/4隻羊煲咗20小時以上，羊味濃郁，加咗羊骨一齊煲，骨內嘅骨髓令到個湯變成奶白色，就好似魚湯一樣香甜濃稠，每到一啖都係精華😍😍羊頸肉⭐⭐⭐⭐脂肪分佈比較均勻，口感比較淋身，肉味較淡，所以最先食呢個部分😉羊梅頭⭐⭐⭐⭐⭐呢個部位較多筋，脂肪較多，比較有咬口，係我至愛嘅部位，明明食緊肉，但有種咬緊雞軟骨嘅感覺，好特別🤣羊西冷⭐⭐⭐⭐⭐呢個部位又淋又滑，味道係最濃郁嘅，老闆話烤到五成熟就食得，每一口都令口腔充滿羊嘅香味，同行朋友最愛呢個部位。🥰🥰食羊嘅同時，除咗可以點唔同嘅醬汁外，都可以同北海道嘅泡菜或鱈魚腸一同進食。坊間一般嘅泡菜都好濃味，但羊蹄山嘅泡菜則味道較淡，可以食到白菜本身嘅清甜，同羊肉好夾咖～😉