成都老碼頭火鍋 (已結業)

雖然天氣熱熱哋，都無阻我食火鍋嘅意欲🤣。再次幫襯呢間四川火鍋店。裝修復古雅致、環境闊落，座位舒適。餐廳有調味角，種類繁多：有祕製香油、麻油、芫荽、蒜蓉、蔥花、仲有醋、蠔油、麻醬等，可以放哂自己鐘意嘅調味料。餐廳仲好貼心準備咗圍裙同長筷子。鍾意藥材味嘅友人叫咗宮廷藥膳湯，湯底有好多藥材，聞到好重藥材香味，好補身。食物可以叫半份，所以我哋叫咗幾款肉類，都新鮮好味。#澳洲一口牛：有油花，食落口感嫩滑。#蒙古羊肉片：羊肉唔騷肉質鮮嫩。#老碼頭筷子牛肉：牛肉已調味好，混和祕制香油一齊食；十分好味。#瘋狂辣牛肉：賣相十足辣牛乾，啱晒嗜辣嘅友人。最後食埋台灣水蓮菜，爽口脆嫩，健康又好味😋