1908bc British Chinese

營業中

休息中

大X樂焗豬扒飯食得多，lunch二百幾蚊食個焗豬扒飯真係未試過🤪。有日朋友推介話有間好勁既焗豬扒飯可以試下，係英式中菜，充滿期待呀！入到餐廳好靚好舒服呀，裝修係現代又有d 古典。另外仲有bar 區同out door 坐，好chill. 服務員都好有禮貌，同我地介紹餐牌和食物。lunch set 可以揀兩款前菜，餐湯同埋主食和餐飲。🍤芝麻蝦多士-勁足料，有整隻鳳尾蝦，成層都係蝦膠-芝麻好香口-成個多士又脆又唔油膩🫔炸雞絲春卷-熱辣辣，好新鮮炸好-香脆-比較清爽🥘酸辣湯-都幾多料-味道適中，唔會太酸太辣🐷焗豬扒飯🐷-靚豬扒，肉質新鮮彈牙，聽說係本地豬-偏鮮茄味，唔係好假茄膏味-份量大🍹食得好飽好滿足，好好食。同埋坐得好舒服，枱與枱之間好闊落。呢度除咗環境好舒服，食物質素都好有水準。 焗豬扒飯果然好食！不過個人最推介係蝦多士。 其實佢個menu 仲有好多其他特色嘅美食有英國嘅亦都有中菜，例如炸魚薯條，香酥鴨等等。下次有機會絕對又要黎試吓😊。