茶東西

營業中

休息中

今日去開炮台山附近買嘢，順便食埋晏。咁啱見有間門面幾靚嘅餐廳，餐牌嚟睇都啱食，一於入去試吓。🍴🍴餐廳除咗有set lunch 之外，仲有我至愛嘅常餐同all day breakfast。我叫咗個all day breakfast, 而老公就要咗個黑蒜蔥油雞扒撈公仔麵，仲加左個奶油豬😋😋。落單一陣已經有野食，先要讚下店員好有禮貌好親切。個奶油豬好脆好香口，整得幾好食。最有驚喜一定係個雞扒撈公仔麵，蔥油好香，撈麵整得好入味，乾身，唔會油淋淋，雞扒煎得好香脆。老公一邊食一邊大讚，仲忍唔住分咗啲俾我試吓。至於我揀嘅經典美式全日早餐，分量都幾多，算係正常發揮。價錢方面算幾抵食，雞扒撈公仔麵跟埋餐飲都只不過係$56，加咗$8 upgrade要奶油豬，全日早餐已經算係最貴嗰個餐，都係$78。呢個食物質素，性價比好高，唔怪之一邊食都keep住都有人排隊。