影片
更多
2025-04-18
3 瀏覽
今日同朋友去旺角行街，夜晚突然間想食啲香口辣嘢。喺附近搵到呢一間麻辣香鍋🌶️舖位唔算好大，但係入面好光猛而且非常多客人🤓喺門口睇咗幾眼餐牌之後決定入去試下先！一坐低我就覺得今次冇揀錯餐廳，因為店員服務好好，仲會提供熱水比我哋洗餐具，除咗去酒樓飲茶或中菜館，我都真係好少遇到呢項服務（食飯途中，我問店員姐姐拎多一隻匙羹，我仲見佢專登用熱水洗一洗先比我🥰）。舖頭叫得麻辣香鍋，梗係要揀佢嘅招牌啦！🍲招牌香鍋好似車仔麵咁任揀餸菜，最少五款起炒。我哋揀咗小辣配牛肉片、豬頸肉、墨魚餅、豬皮，炸豆腐。小炒：酸菜炒肥腸。冷盤：口水雞。另外再嗌咗兩碗白飯,凍酸梅湯同埋凍檸茶。首先上枱嘅係口水雞，非常推薦大家叫呢道冷盤👍‼️雞件做到黃皮肉白骨紅，好嫩滑，而重點就係佢嘅口水汁，辣得嚟帶點酸，真係好好味，我仲用佢嚟撈飯💯🤤接住第二道餸就係麻辣香鍋，估唔到係咁大兜😂應該係三至四個人份量呀嘛（我哋兩個人咋🤣）。入面嘅牛肉片好嫩、豬頸肉夠爽口、墨魚餅好彈牙、豬皮吸曬醬汁嘅味道，炸豆腐外層微焦內嫩（配口水雞汁一流！）。最後一道係酸菜炒肥腸，啲豬大腸處理得非常乾淨，一啲騷味都冇，再配埋一大碟酸菜，真係低估咗佢哋嘅份量，實在太
喺附近搵到呢一間麻辣香鍋🌶️舖位唔算好大，但係入面好光猛而且非常多客人🤓喺門口睇咗幾眼餐牌之後決定入去試下先！
一坐低我就覺得今次冇揀錯餐廳，因為店員服務好好，仲會提供熱水比我哋洗餐具，除咗去酒樓飲茶或中菜館，我都真係好少遇到呢項服務（食飯途中，我問店員姐姐拎多一隻匙羹，我仲見佢專登用熱水洗一洗先比我🥰）。
舖頭叫得麻辣香鍋，梗係要揀佢嘅招牌啦！
🍲招牌香鍋好似車仔麵咁任揀餸菜，最少五款起炒。我哋揀咗小辣配牛肉片、豬頸肉、墨魚餅、豬皮，炸豆腐。
小炒：酸菜炒肥腸。
冷盤：口水雞。
另外再嗌咗兩碗白飯,凍酸梅湯同埋凍檸茶。
首先上枱嘅係口水雞，非常推薦大家叫呢道冷盤👍‼️雞件做到黃皮肉白骨紅，好嫩滑，而重點就係佢嘅口水汁，辣得嚟帶點酸，真係好好味，我仲用佢嚟撈飯💯🤤
接住第二道餸就係麻辣香鍋，估唔到係咁大兜😂應該係三至四個人份量呀嘛（我哋兩個人咋🤣）。入面嘅牛肉片好嫩、豬頸肉夠爽口、墨魚餅好彈牙、豬皮吸曬醬汁嘅味道，炸豆腐外層微焦內嫩（配口水雞汁一流！）。
最後一道係酸菜炒肥腸，啲豬大腸處理得非常乾淨，一啲騷味都冇，再配埋一大碟酸菜，真係低估咗佢哋嘅份量，實在太足料啦。
其實三款餸菜加埋真係好豐富，就算唔食飯都一定夠飽，但咁下飯嘅餸菜又點可以唔配飯呢🤭
飲品方面，酸梅湯（叫咗少甜）都唔錯，幾適合解辣同油膩，可以試下。
埋單人均$200左右，食辣嚟講呢間餐廳性價真係好高💓
張貼
