紅煮意

營業中

休息中

星期五晚，打算去油麻地電影中心睇戲，睇十點幾場，所以有時間慢慢食個晚餐，朋友介紹我可以去附近嘅紅煮意。老實講，如果無人介紹，真係無必會留意到呢間餐廳。可能因為地點關係，星期五七點幾，都唔算好多人，加上樓底高，整個感覺唔會太焗促，同其他食客會有啲距離，私人空間多啲。聽講逢星期六晚會有樂隊駐場表演，可惜早咗一日上嚟。講返正題，首先講個蘑菇湯，合格嘅蘑菇味夠香，個湯唔會太稀太水。呢到只係得一款湯，無得揀，鍾意紅湯嘅朋友要留意返。主菜分別叫咗一個魚扒、一個肉眼扒，原本想叫海鹽燒比目魚扒，可惜無比目魚扒，所以轉做鱸魚扒。鱸魚扒魚皮個面煎得好脆口，但入面唔會煎到太乾身，配埋個汁整體感覺都清爽。另外就叫一份五成熟肉眼扒，配燒汁，肉質鮮嫩，都唔錯，值得推薦。特別一提餐廳係播廣東歌，憑電影票尾仲可以有優惠。老闆應該都係一個重視文化發展嘅人。