清溪川韓國配菜

營業中

休息中

呢間小店裝修好有韓國既味道，鋪面細細，得幾張枱，牆邊就貼滿野食既相，同埋佢地既韓文名。老闆娘係韓國人，落單都係用簡單既中文同英文溝通。炒豬肉飯($50)佢用左椰菜、蘿蔔絲、洋蔥去炒豬肉片，用左韓式辣醬去炒，但唔太辣，反而係甜甜地，而上面就撒左啲芝麻。佢既蔬菜都好新鮮同炒得好香，豬肉好淋同好JUICY；飯就用左珍珠米，軟硬同濕度都岩岩好。成個飯份量都好足夠，食到好飽！佢另外送埋泡菜同芽菜，兩樣都好好味，泡菜唔太辣，岩晒唔太食辣既我!雖然冇包野飲，但咁既份量同質素真係唔錯！