影片
更多
2022-08-24
3372 瀏覽
《新匯聚餐廳小廚 - 觀塘》近排食西餐食得多，突然間會好想食番中菜平衝一下，所以收左工就約左好姊妹去觀塘區食大牌檔小菜，觀塘區食小菜既餐廳其實都唔少，經網上面搵到幾間風評都唔錯既小菜館，我地就簡左間比較近地鐵站既試下。由於我比較早收工，順理成章就去拎位先啦，好彩早左去炸。7點左右已經開始人多同埋越嚟越少2人枱，朋友剛好7點3左右到，俾我地坐到卡位自成一角😎當晚經餐廳老細推薦下，我地兩個女仔點左三個小菜，兩杯特飲同埋兩碗糖水，以兩個人食的話份量其實都好足夠，因為佢哋D小菜都幾大碟下，好彩朋友同我當日都餓狼上身，最後無浪費任何野的🤓當日叫左既野食包括有：💁🏻♀️爽脆鮮魚皮 $65💁🏻♀️蠔餅 $88💁🏻♀️有汽鮮檸蜜 $20 x2💁🏻♀️蜂蜜欖角骨拼炸大腸 $155💁🏻♀️合桃糊 💁🏻♀️芝麻糊拼杏仁糊爽脆鮮魚皮係老闆推薦的，話送啤酒一流，可惜當日我有揸車無得飲So Sad，魚皮質地脆身，配上蔥絲同薑絲再點特製豉油食好惹味，老闆無講錯，用黎送酒無得彈，同埋碟魚皮都幾大碟，我地兩個人食每人最少都食左十幾塊，上面既花生咸香味十足，慢慢傾住計食都幾過癮 。唔飲得酒姐，可以飲梳打水嫁嘛，老闆又推介
近排食西餐食得多，突然間會好想食番中菜平衝一下，所以收左工就約左好姊妹去觀塘區食大牌檔小菜，觀塘區食小菜既餐廳其實都唔少，經網上面搵到幾間風評都唔錯既小菜館，我地就簡左間比較近地鐵站既試下。由於我比較早收工，順理成章就去拎位先啦，好彩早左去炸。7點左右已經開始人多同埋越嚟越少2人枱，朋友剛好7點3左右到，俾我地坐到卡位自成一角😎當晚經餐廳老細推薦下，我地兩個女仔點左三個小菜，兩杯特飲同埋兩碗糖水，以兩個人食的話份量其實都好足夠，因為佢哋D小菜都幾大碟下，好彩朋友同我當日都餓狼上身，最後無浪費任何野的🤓
當日叫左既野食包括有：
💁🏻♀️爽脆鮮魚皮 $65
💁🏻♀️蠔餅 $88
💁🏻♀️有汽鮮檸蜜 $20 x2
💁🏻♀️蜂蜜欖角骨拼炸大腸 $155
💁🏻♀️合桃糊
💁🏻♀️芝麻糊拼杏仁糊
爽脆鮮魚皮係老闆推薦的，話送啤酒一流，可惜當日我有揸車無得飲So Sad，
魚皮質地脆身，配上蔥絲同薑絲再點特製豉油食好惹味，老闆無講錯，用黎送酒無得彈，同埋碟魚皮都幾大碟，我地兩個人食每人最少都食左十幾塊，上面既花生咸香味十足，慢慢傾住計食都幾過癮 。唔飲得酒姐，可以飲梳打水嫁嘛，老闆又推介紹左有汽鮮檸蜜俾我地兩個，佢係少少清甜又帶有少少檸檬既酸味，好解渴，老闆話美顏排毒喎，咁我朋友就即時美容博主上身咁樣同老闆吹起水上黎，仲要係雞啄唔斷咁款🧐老闆見同我朋友咁投緣，係咁請我地試佢地自家製作既小食，十分好客，所以喺蠔餅黎之前我地已經食左好多野🤣
蠔餅一到，當然要襯熱食先啦，蠔餅果然係要熱辣辣先最正，入面既蠔好大粒，食落唔腥仲好有咬口，點埋魚露就更加濃味更開胃，同樣地呢個蠔餅好大份，3個人分都絕對夠食，所以証明我地兩個女仔真係好食得😝
之後第三個餸我地叫左個拼盤，場內見好多人都有叫蜂蜜欖角骨，佢一份有成十件真心太多，而且我地都想試多D唔同款式既小菜，老闆就提議我地雙拼，所以最後我地簡左蜂蜜欖角骨拼炸大腸
就算係雙拼，其實整體個portion 都好大份下，蜂蜜欖角骨有4大件，而炸大腸都有成十幾片，所以人數唔多得兩個人食既話其實叫雙拼就剛剛好，又可以試多幾款唔同既野，一舉兩得😗去到呢度我已經好飽好飽，朋友仲話想試埋個糖水，又係痴痴地既情況下每人試左各一款糖水
我要合桃糊而朋友就要芝麻糊拼杏仁糊，合桃糊相對比較甜D，不過合桃味幾重，同埋整得幾滑，朋友既芝麻糊拼杏仁糊可能兩溝既關係，好似無咁甜同埋食到兩層既味道，杏仁比芝麻味更出，不過食完即時覺得好滋潤，打算埋單之際，老闆又黎俾野我地試😂今次係馬荳糕，全自家製，每枱客埋單都有的，不過送完即止，馬荳糕唔太甜，動L動L咁好Q彈，一人一件食完爆褲咁走🥲
食左咁多野，你以為好貴？埋單都係$348炸😱因為老闆見同我朋友咁好傾，請我地食小食都算啦，仲話要請埋我地食糖水，熱情到我都唔好意思啦🥹後來聽朋友講之後都Book左枱再去食飯，其實老闆唔止係對我地兩個熱情，當日所見佢有對個個客都照顧有加，好似全部客都係自己人咁款，令人覺得好有人情味同埋好熱情，呢D小店真無買少見少嫁啦
張貼
