餃撚店

營業中

休息中

今日放工嘅時候，路經公司附近，係横街見到強烈的燈光，原來有一間餃子店，叫餃撚店，餃子好有特色，同其他店有D唔同，我同朋友入左去試下。 店好大，有3間舖，又光猛，好舒服。餃子有蒸餃、煎餃和湯餃，款式多，係其他餃子店未吃過。 我地叫左椰香荔芋臘腸香菇餃(4隻)，是煎餃，咬落去有濃濃嘅芋頭和椰香，皮脆香口，好食。又叫左香菇木耳豬肉湯餃(6隻)，用大地魚湯做湯底，湯中見到好多小蝦，好飲，香菇湯餃好香，好味。 原味小籠包(3隻)皮薄餡靚，汁多味美。咬一口香煎蝦米韮菜餅(2件)，有濃郁的韮菜味，對韮菜有偏好嘅我更加是無得頂。我好鍾意飲老火蕃茄薯仔红蘿蔔排骨湯麵，湯好飲，新竹米粉好滑。上湯蒜子浸菜心苗也不錯。