意粉狂熱 (置富都會)

營業中

休息中

搵到間又平又好味嘅餐廳，$300幾蚊兩個人食到飽飽。晚市有好多抵食套餐，亦有散叫。我哋揀咗散叫。Pizza有大細兩個size，如果兩個人食量唔多，揀個細嘅就啱哂。可以再叫其他嘢試多啲款式。細照燒雞蛋黃醬披薩🍕只係$48，好平啊！仲可以+$38升級套餐加湯就及飲品。揀咗法式芝士洋蔥湯同蘋果汁。披薩即焗，外層軟綿綿。照燒雞嘅味道好香，配埋雞蛋黃醬，真係好夾！另外揀咗軟殼蟹配海膽忌廉汁鮮製意粉🦀🍝。軟殼蟹香脆，意粉又充滿海膽忌廉汁，好creamy! 小食揀咗香烤雞翼(檸檬蜜糖），一份有4隻，有燒烤風味！最後當然叫返個甜品，揀咗香濃朱古力窩夫🧇！香濃嘅朱古力雪糕同軟綿嘅窩夫，食完甜品就完滿了。