哥登堡餐廳

營業中

休息中

成日搭車經過都見到排晒長龍的，都無打算過要來排埋一份，但經濟低迷，都係要發掘些平靚正食品，唔可以吓吓駛大咗嘛！排咗十幾分鐘先有位，邊排隊邊看到門口的餐牌林林總總，點知見到份餐牌仲多選擇，不過都唔理喇，叫港式西餐必吃的鐵板西冷扒餐啦！跟餐有羅宋湯，味道帶點胡椒的辣，沒有那些紅彤彤的色素，清清哋，幾好！再來便是七成熟的西冷扒，估唔到肉質好得，好鬆軟，無話死實實的有雪味，著條也很脆，無話軟林林，好好食啊！原來仲有得吃甜品，可以選雪糕或啫喱，餐飲都係特色飲品，有椰汁紅豆冰跟涼粉什果冰，個價錢絕對係一條龍，只係要收加一。